搜尋

卷一:白話文閱讀點準備?

去到第二部分 - 白話文閱讀


白話文部分無疑係成份閱讀卷最具挑戰性既部分(當然你完全唔溫書範文仲更具挑戰性…),所以都係個句,你係有心奪星先花時間鑽研,求合格就低飛掠過算。


向了解要點準備之先,首先要知DSE既篇章有咩類型先,簡單黎講就分做記事為主或者議論為主既文體,當中細分會有敍事寫人(14年曾先生18孤獨的理由)、借事抒情(12橋13我交你們一個孩子)、托物寓意(16紅心蕃蕃15觀沙礫記17跑道)、論說文(13說誓15論趣19談教訓)等既類別,而dse經常都會將記事同議論既篇章梅花間竹咁作考核。


咁我點解要知文章既體裁呀?因為對你做難度既高既段旨同理解文章重心都好有幫助。例如當我睇緊一篇敍事寫人既文章時,我會份外同意不同事情刻劃左人物點樣既性格特質,又會睇埋當中運用左咩既描寫手法,所以你望返14年同18年份卷,就會發現有好多題目都圍繞描寫手法同人物既性格特質作考問。


除左要知體裁之外,更加要細味文章既立意所在,因為dse所有題目唔係靠估唔係靠運氣,而係因應主題而生,所以點解有人可以閱讀次次都5**,就係在於你係咪真係從主題出發去審視點樣作答一條題目。而dse常見既立意方向大概可分為4大類:感情抒發(親友/友情/家國情懷)、人生哲理既反思、歌頌某人物/精神、對社會現象既評價,所以大家睇題目時不妨多思考下呢篇文章到底想產生咩既效果。


當然,我講就好似好容易,但係淨係要分體裁同搵到文章主題已經會玩死一堆考生,因為呢d都係考緊大家既真功夫,語感好定唔好呢d係呃唔到人,亦都冇捷徑,所以點解閱讀係死亡之卷就咁解。不過總有人會臨急抱佛腳,想向短時間有所提升,呢個時候你就要知閱讀卷有咩係執分位。


我自己19年既MC部分就係拎滿分,就算你能力未必做到,但係MC一定係兵家必爭之地,你要明白長問答我寫左5行字,只要方向一錯就會0哂,但係MC我圈個答案就會有兩分,而通常mc問既問題都係一d熱身既題目,或者考下大家語文知識,所以只要肯溫好d手法同結構作用,就一定可以向閱讀保有一定分數。再者,大家成日話閱讀卷既問題好主觀,但係寫作手法同結構作用呢d題目都極為客觀,係就係,唔係就唔係,所以大家根本冇藉口話自己唔識。當然,語文知識其實係一個極大既範疇,但係dse都有幾part 經常問,例如人物描寫手法/反襯同對比/比擬同比喻/借代同借喻/直接描寫同間接描寫/標點符號既效果,呢d問題都問左咁多次,如果而家都唔識就抵俾中文科淘汰啦。


雖然19年全面封殺題型,但係有13種都係一定要操練既,下次再同大家分享:)


#dse中文




493 次查看2 則留言

最新文章

查看全部