top of page
搜尋

卷二:如何準備生活事例?


同大部分同學一樣,我唔係一個喜歡背野既人,但係卻係一個喜歡寫論說文既人,咁我係點樣準備例子既呢?主要有兩個渠道:


第一,睇書。大家聽到可能心入面第一句會講既係:咪玩啦!邊有時間睇!呢到講既書唔係大家額外花時間睇既書,而係做SBA時會閱讀既書。首先,SBA係所有人都要做,所以呢D書你係咪都要睇,其次,想SBA做得好,認真睇一次本書就基本要求,所以為左SBA著想又好,為左作文又好,點解唔花一份時間而做好兩份卷呢?我自己第一次考DSE個陣,就用左龍應台既《親愛的安德烈》同朱自清其中一篇散文做例子。以上兩樣野,都唔係我刻意為例子所準備既,而係平時做閱讀卷同閱讀報告積累返黎既知識,反觀而家有太多同學做Book Report 淨係睇個幾頁,一課書教完連邊個寫都唔記得,試問呢種二年半都睇唔夠十本書既學習態度又點會中文考得好呢?


第二,睇新聞。因為新學制通識科係必修科,所以我自己都養成左一個習慣,就係定期睇下世界各地有乜大事發生。而我既個人經驗話我知,比起死背D古語同例子集,睇新聞係會易入腦D。而且新聞既內容夠新鮮,唔會仲停留向萊特兄弟,愛迪生呢D寫到爛既例子上,當然選擇時都要盡量揀一D 大家較為耳熟能詳,唔好過分冷門。最重要既一點係而家網絡資源好豐富,睇新聞都唔駛刻意要買一份報紙先睇到,向到就介紹大家可以睇星島既通識網,當中久唔久仲有D封面專題可以俾同學深入了解一個議題,對讀通識都十分有用。唯一美中不足既地方係冇帳戶既同學仔係冇得重溫內容,換言之上面既內容都係有時效性,如果大家搵到合適既例子就記住要Mark低呀 !!


Link 在此:

http://stedu.stheadline.com/sec/sec_news_list.php?cat=3


#DSE中文 #作文例子 #說話例子

222 次查看0 則留言

最新文章

查看全部

三式判斷係中文科閱讀卷經常都會見到嘅題型,但向我接觸過嘅學生之中,唔少同學都表示唔識區分選項之間嘅差異,今日就同大家分享一下關於三式判斷你必須要知嘅原則。 1)錯誤 無從判斷 通常答案係正確嘅題目同學都會好有信心,但一面對錯誤同無從判斷就好易陷入掙扎,要識得分佢地其實唔難,只要謹記一個詞—「衝突」 揀得錯誤,即係代表題目嘅陳述同本文內容有矛盾/衝突; 相反如果題目嘅陳述雖然未有提及,但只要邏輯上並

bottom of page