現時卷四大多題目都會提供選項予考生討論，當然好既題目每個選項都應有相等既發揮空間，但縱觀多年既歷屆試題，好多時都有部分選項係較為突出，容易令同學有較佳既表現。
以下係2017年既一條題目：
以下哪一個詞語最適合形容青少年期？
寂寞 反叛 迷惘
題目要我地講最適合。既然每個青少年既特質都不盡相同，要講最，普遍性就少不免。
寂寞，青少年固然有寂寞時刻，但往往只屬片刻。假若我地願意打開心窗，在學期間一樣可以結識好多知心好友。
反叛，年少輕狂固然係青少年特質，但規行矩步，循規蹈矩既亦大有人在。
唯獨迷惘係所有青少年既必經階段，成績好既要諗大學選科，成績較遜色都要投身社會，為自己前路作打算，而且每一個青少年都要為自己人生作出重要抉擇，邊個都唔可以代替自己走眼前既過，而對如此重大抉擇，有誰能夠不迷惘？
又睇下2014 年既題目，問邊個故事最能教育兒童孝敬父母。
木蘭代父從軍 黃香扇枕溫蓆 王祥臥冰求鯉
如果你有花時間思考下選項之間既性質，就會發覺有個最為突出。
花木蘭：代父從軍確實孝感動天，但身體髮膚，受諸父母，你要父母為自己既安危感到憂心，亦係不孝既一中。
臥冰求鯉：傷害自己身體，同上者一樣。
唯獨黃香既例子冇上述問題，而且對象係兒童，佢地可以直接代入故事中既主角，簡單易明，仲可以教導兒童行孝唔一定要做孝感動天既事，只要向生活大小事上處處為父母著想，已經十分足夠。
再講多個15年既例子，問培養批判思考，邊樣最有效。
參加辯論學會 閱讀政論文章 研習古今歷史
再講多個15年既例子，問培養批判思考，邊樣最有效。 參加辯論學會 閱讀政論文章 研習古今歷史
識揀就一定揀辯論學會，第一，係三者之中唯一有互動性質，所謂真理愈辯愈明，能集思廣益當然效果更佳。第二，內容會以正反雙方呈現，一場比賽有正反雙方，正正配合批判思考需要既多角求思考，適時提出質疑。第三，比賽就會有輸贏，可以藉住賽果反思自身既不足，繼而學習點樣更深入剖析事情。 類似既例子實在仲有太多太多，未能一一說明，但如果你可以學習到呢種技巧，絕對能令oral 事半功倍👍🏻 #dse中文 #中文說話
Comments